Pelajaran Basa Jawa Diilangi, Aksara Jawa Bakale Ilang

          Solo_ Pelajaran  Basa Jawa bakal diilangi saka pelajaran SD, SMP, lan SMA ing kurikulum 2013 gawe khawatir bakal ilange Aksara Jawa. Sebab salah siji cara nglestarekake Aksara Jawa yaiku nglebokake Basa Jawa ing kurikulum sekolah.

          Peneliti budaya Jawa lan Javanologi Universitas Sebelas Maret (UNS). Arif Hartata  matur, Bahasa Jawa bisa mujudake pola sikap lan pola pikiran menungsa. “Basa Jawa kuwi sugih dhewe nalika digoleki panggonane, ana tahapan Basa Jawa yaiku Basa Jawa kuna, Basa Jawa tengahan, lan dadi Basa Jawa anyar. Ana krama inggil, jawa ngoko lan kuwi ndudohake anane tata krama manungsa,”Jarene. Nyawang ragam perkembangane basa Indonesia sing wis dadi tren ing kalangan padhusunan malah gawe lunture basa daerah.  Kenyataane tiyang padhusunan kulina nganggo Basa gaul minangka Basa saben dinane. Miturut Arif bisa ngakibatake dekontruksi ing dialek basa. “nalika Basa Jawa diilangi ing kurikulum 2013, menungsa bakal kilangan jati dirine minangka dadi wong Jawa. Saiki ana ing pendidikan formal wae akeh siswa sing ora bisa nulis aksara Jawa utawa nerapake Basa Jawa sing bener” jarene lulusan S2 kajian Budaya UNS. Arif nambahake, basa kuwi yaiku unsure saka budaya sing prelu dilestarekake amarga kewajiban menungsa lan direwangi pihak Pemerintah Kota (PemKot). Nandur rasa seneng budaya kawit cilik karo ngenalake basa utawa budaya daerah, ing jero pendidikan formal minangka solusi sing apik . “Kudune kebijakan pemerintah lan lembaga-lembaga pendidikan melu mbantu lan peduli karo kelangsungane basa daerah lan budaya, amarga kuwi gawe dampak ing rusake Aksara Jawa. “Jarene.